Do të mbetemi nën ndikimin e motit të qëndrueshëm në Shqipëri, ku orët e paradites; do të dominohen nga moti i kthjellët në bregdet dhe zonat e ulëta por me kthjellime dhe vranësira të shpeshta do të paraqiten zonat malore. Pjesa e dytë e ditës do të sjellë vranësira të shpeshta nëpër të gjithë territorin e vendit, ku më të theksuara do të jenë në skajin verior.
Parashikohet që nën ndikimin e masave ajrore të qëndrueshme të mbetet moti edhe gjatë natës. Temperaturat e ajrit do të pësojnë rënie të lehtë si në mëngjes edhe në mesditë duke luhatur vlerat ditore nga -3°C më e ulëta në zonat malore deri në 14°C më e larta në zonat bregdetare.
Era do të fryjë mesatarisht me shpejtësi 40 km/h nga drejtimi kryesisht verior dhe verilindor duke gjeneruar në brigjet detare dallgëzim mbi 2 ballë
Kosova
Pjesa e parë e ditës në Kosovë mbetet nën mbizotërimin e kthjellimeve dhe kalimeve të pakta të vranësirave, ku më të dukshme kthjellimet do të jenë në zonat perëndimore. Parashikohet që pas mesdite të ketë afrim gradual të masave ajrore të ftohta drejt territorit të Kosovës, duke bërë që moti të ftohet edhe më shumë në të gjithë republikën e Kosovës. Temperaturat e ajrit do të pësojnë sërist rënie duke regjistruar vlerën minimale në Mitrovicë -5°C më e ulëta dhe maksimalja do të shënohet në Gjakove 5 °C. Era do të fryjë mesatarisht me shpejtësi 35 km/h nga drejtimi verior-verilindor por në mbrëmje pritet intensifikim i parametrit të erës.
Maqedonia e Veriut
Do të mbetet moti i kthjellët dominant në të gjithë MV por herë pas here priten kalime vranësirash të lehta nëpër të gjithë territorin e MV. Po ashtu gjatë të hënës do të ndryshojë edhe situata termike duke sjellë sërish vlera negative në pjesën më të madhe të MV duke bërë që të vijojnë të jenë prezente ngricat në akset rrugore. Temperaturat e ajrit do të pësojnë sërish rënie si në vlerat minimale edhe në ato maksimale duke u luhatur nga -5°C më e ulëta në zonat malore deri në 7°C më e larta në zonat Perëndimore dhe Jugperëndimore. Era do të fryjë mesatarisht me shpejtësi 40 km/h nga drejtimi verior por gjatë natës forcohet deri në 50 km/h.
Europa
Si pasojë e prezencës së dy qendrave të fuqishme ciklonare përkatësisht; në veri dhe verilindje të kontinentit me ndikim deri në qendër të Europës do të kushtëzojnë motin në keto rajone ku gadishulli Skandinav dhe Europa Lindore do të kenë reshje të konsiderueshme dëbore si edhe temperatura shumë të ulëta. Po ashtu me reshje të dendura shiu si edhe mini-stuhi ere do të paraqiten; ishujt Britanike si edhe Europa Qendrore ndërsa nën ndikimin e kushteve disi më të qëndrueshme atmosferike paraqiten gadishulli Iberik si edhe gadishulli i Ballkanit duke bërë që kthjellimet dhe vranësirat e shpeshta të jenë dominante
