Qëndrim Zyba do të jetë shqiptari i radhës teLegia e Varshavës, rekordmenët e futbollit polak me 15 tituj kampionë. Ekip ku luajnë edhe Ernest Muçi dhe Jurgen Çelhaka.
Drejtuesit e Legias kanë arritur marrëveshjen me homologët e Ballkanit dhe tani pritet vetëm zyrtarizimi i transferimit të mesfushorit nga Theranda në Ekstraklasa. Kampionët e Kosovës do të përfitojnë rreth 400 mijë euro nga ky operacion.
Ndërkohë, sipas akordit mes palëve Ballkani do të mbajë edhe 20% të kartonit të Zybës, një ndër lojtarët më të mirë në kampionatin dardan në vitet e fundit. 22-vjeçari ka fituar dy tituj kampionë me skuadrës e Ilir Dajës.
Zyba, i cili debutoi me përfaqësuesen e Kosovës në muajin tetor në fitoren 0-3 përballë Andorrës, numëron 26 ndeshje europiane me Ballkanin.
