Rey Manaj shënon golin e radhës në Superligën turke. Sulmuesi lushnjar ka zhbllokuar përballjen Sivasspor-Besiktas, duke kaluar vendasit në avantazh.
Minuta e gjashtë, goditje nga larg e 26-vjeçarit shqiptar dhe topi në rrjetën e skuadrës kryeqytetase.
Manaj rikuperoi një top dhe gjeti golin falë një goditjeje nga larg me të majtën, që nuk u grushtua siç duhet nga portieri i Besiktasit.
Avantazh i rëndësishëm për Sivassporin dhe goli numër 11 në kampionat për Manajn, i cili vijon të jetë në formë shumë të mirë sportive.
Për skuadrën udhëtuese po luan si titullar edhe dardani Milot Rashica.
