Albi Doka pritet të jetë largimi i pestë nga Tirana pas atyre të Florent Hasanit, Ardit Hilës, Kaina Nunjesh dhe Klevi Qefaliajt.
“Panorama Sport” zbulon se mbrojtësi i djathtë ka arritur akordin me klubin hungarez, Ujpest.
Doka është nën kontratë me Tiranën dhe tani pritet vetëm marrëveshja zyrtare mes dy klubeve për vlerën e kartonit. Mësohet se klubi bardheblu mund të përfitojë rreth 100 mijë euro nga ky transferim.
Ujpest pozicionohet në vendin e nëntë të Superligës hungareze. 26-vjeçari ka luajtur edhe më parë në Hungari, përpara se të rikthehej te Tirana, pikërisht me Budapest Honved.
