Deputeti i Partisë Demokratike, Ervin Salianji ka dalë në një konferencë për mediat nga kryesia e Kuvendit, ku ka propozuar disa shtesa dhe ndryshime në projektligjin për dhënien e amnistisë.
Ai tha se amnistia ndjek qëllimet që kanë të bëjnë me humanizmin, por pavarësisht kësaj kërkon që të përjashtohen nga kjo e drejtë funksionarët publik.
“Amnistia ndjek qëllimet që kanë të bëjmë me humanizmin. Pavarësisht këtij qëllimi, dua që të përjashtohet kjo e drejtë për deputetë e ish-deputetë. Sapo kam depozituar vetë që nuk përfshihem, pavarësisht se qeveria është kujdesur që amnistinë ta kthejë një projektligj anti-Salianji. Unë nuk bej kompromis me asnjë prej kuazave të denoncuar nga opozita, me asnjë mafioz droge apo politik. Nuk jemi të prirur të pranojmë amnistinë e oligarkëve”, tha Salianji.
