Mesfushori shqiptar i Kosovës, Florent Muslija ka hedhur një hap të madh në karrierën e tij teksa ka kompletuar transferimin te Freiburg në Bundësligën gjermane.
25-vjeçari realizoi paraqitje fantastike në Bundësligën 2 me Paderborn ku në 70 ndeshje arriti të shënoi 25 gola dhe të dhurojë 14 asistime.
“Kam mundur të përjetoj atmosferën e mrekullueshme në stadiumin Europa-Park në ndeshjen e kupës në vjeshtë. Tani mezi pres të njoh shokët e mi të rinj, të zhvillohem më tej këtu dhe të jap gjithçka për klubin”, u shpreh Florent Muslija, pas prezantimit.
Mesfushori do të mbajë veshur fanellën me numër 23 te skuadra e tij e re. Sipas mediave gjermane Freiburg ka paguar rreth 1.5 milionë euro për Muslijën.
Der #SCF hat Florent Muslija verpflichtet! ✍️
Alle Infos: https://t.co/tbv4N6Jef5 pic.twitter.com/GDi5sAiMm9
— SC Freiburg (@scfreiburg) January 24, 2024
