Disa nga banorët e “Big Brother VIP” janë dënuar nga Vëllai i Madh për shkak të thyerjes së rregullave duke u mbyllur në një kazermë. Gjatë spektaklit të kaluar, atyre iu komunikua se dalja nga kazemra do të varej në bazë të sjelljes së tyre.
Por, ende pa kaluar 24 orë ata kanë thurur plane se si do të arratisen. E duket se njëra prej tyre ia ka dalë. Bëhet fjalë për këngëtaren Vesa Smolica.
Banorët e kazermës kanë thirrur Fation Kuqarin për të hapur vrimën nga komunikonin me pjesën tjetër të shtëpisë për të shkëmbyer sendet që mund t’u nevojiteshin.
Në këto momente, Vesa është futur tek vrima dhe e shtyrë me forcë nga tre djemtë e kazermës; Romeo, Meritoni dhe Gabriele, ia ka arritur që të dalë në pjesën tjetër të shtëpisë, por është dëmtuar në pjesën e këmbëve.
Mbetet të shihet nëse Vëllai i Madh do t’u japë dënim më të rëndë banorëve të kazermës, apo do t’i falë. Kujtojmë se më herët tentoi të arratisej edhe Roza Lati nga kazerma, por nuk ia doli dot.
