Bledar Beluli, ish-efektivi i forcave RENEA, kishte ditëlindjen kur u plagos me armë zjarri në makinën e tij “Wolksvagen”. Ngjarja ka ndodhur rreth orës 21:00 në afërsi të Casa Italias.
Mësohet se ai është plagosur me armë, teksa po e pastronte në makinë.
Ai ka shkuar të mjekohet në spital dhe më pas është njoftuar policia. Arma që u plagos efektivi ishte me leje.
Ish-efektivi i RENEA-s edhe vite më parë ka pasur një incident të rëndë. 37-vjeçari në vitin 2019 është rrëzuar nga një greminë pranë Thethit teksa po bënte Alpinizëm. Ish-efektivi pësoi dëmtime të mëdha në të gjithë pjesët e trupit, ndërsa u nxor nga gremina pas disa orësh nga kolegët e tij.
