Mirlind Daku gjen golin në një takim miqësor. Sulmuesi i kombëtares shqiptare la shenjën e tij në suksesin 5-2 që Rubin Kazan arriti përballë Napredak.
Ishte minuta e 59’ kur 26-vjeçari nga Gjilani tundi rrjetën e skuadrës serbe. Duke kaluar përkohësisht Rubinin në avantazh 3-2.
Ekipi rus realizoi edhe dy gola të tjerë më pas, duke kompletuar triumfin me “manita”. Futbollisti shqiptar dhe skuadra e tij vazhdojnë përgatitjet për fazën e dytë të sezonit.
Rubini renditet në vendin e shtatë, ndërkohë që takimin e parë në kampionat për vitin 2024 do e zhvillojë në datën 2 mars në fushën e kryesuesve të Krasnodarit.
Daku ka shënuar 4 gola deri tani në kampionatin rus, teksa numëron edhe një asist gjatë ndeshjeve të luajtura me Rubinin.
