Kandidati i opozitës për Bashkinë e Kuçovës në lokalet e 14 Majit, Lefter Maliqi, ka risjellë edhe njëherë në vëmendje shqetësimin për qentë e rrugës që janë kthyer në rrezik për sigurinë e qytetarëve.
Përmes një postimi në rrjete sociale, Maliqi ka publikuar një video të një grumbulli të qeneve të rrugës, teksa shprehet se bashkia e udhëhequr nga Kreshnik Hajdari është treguar indiferente për zgjidhjen e kësaj çështjeje.
Maliqi ironizon qasjen e Hajdarit për këtë problematikë me ish-kryebashkiakun e Kukësit, Safet Gjici, teksa shprehet:
Skandal!
▪️Kuçova e Hajdarit, pengut të ish fatorinos Salillari në errësirë dhe plot me qenë, plehra dhe gomerë. Kudo ndihen vetëm kuisjet e qenëve. ▪️Hajdari me keq se Gjici i Kukësit! Tenderi i qenëve pa u hetuar; ndërkohë që ai është i akuzuar për disa vepra penale në “SPAK”.
Beteja ligjore vazhdon, deri në kthimin e Bashkisë së grabitur më “14 Maj”, tek qytetarët!
