Mbrojtësi spanjoll Aymeric Laporte u largua nga Anglia në verë, teksa për 5 vite mbajti veshur fanellën e kampionëve të Machester City.
Laporte u transferua te Al-Nassr, për shifrën e 23 milionë paund, ndërsa firmosi një kontratë trevjeçare me skuadrën saudite.
“Nuk na kanë dhënë shumë lehtësira. Në fakt, ka shumë lojtarë që janë të pakënaqur, por çdo ditë po punojmë për këtë, duke negociuar si të thuash, dhe të shohim nëse do të përmirësohet pak sepse kjo është diçka e re edhe për ta, duke pasur lojtarë evropianë që tashmë kanë një histori të gjatë. Ndoshta nuk janë mësuar me këtë dhe duhet të përshtaten me pak më shumë seriozitet” – Tha ai, në një intervistë për “AS”.
Aymeric Laporte ka luajtur deri më tani 14 ndeshje, ku ka realizuar 2 gola dhe ka dhuruar një herë pasin e fundit. Ai është shok skuadre me Brozovic, Mane dhe Cristiano Ronaldo.
