Prishtina është superkampione e Kosovës, pasi ditën e sotme mundi në finalen e Superkupës Ballkanin me rezultatin 2-1.
Në ndeshjen e cila u zhvillua në Antalia të Turqisë, ekipi i Emanuel Egbos kaloi në avantazh me anë të Sinanit në minutën e 9’ të takimit, teksa shifrat u dyfishuan në fillimin e pjesës së dytë nga Kryeziu.
Skuadra e Ilir Dajës u mundua të reagojë dhe gjeti golin e shpresës në minutën e 79’ me anë të Dulajt, por që nuk mjaftoi.
Kështu Prishtina vazhdon të jetë klubi më i titulluar sa i përket Superkupave, duke shkuar kështu në 11 të tilla.
