‘Gjasat për një luftë me Libanin janë shumë më të larta se kohët e fundit’ kështu është shprehur kreu i ushtrisë izraelite, ditën e sotme.
Shefi i Shtabit të Përgjithshëm të Izraelit, Herzi Halevi, se vendi i tij po rrit gatishmërinë e tij. Ai i bëri komentet gjatë vizitës së një stërvitjeje rezervistësh pranë kufirit me Libanin.
“Nuk e di se kur është lufta në veri, mund t’ju them se gjasat që ajo të ndodhë në muajt e ardhshëm janë shumë më të mëdha se sa ishte në të kaluarën”, tha Halevi.
Ai tha gjithashtu se arritja e qëllimit të Izraelit për kthimin e banorëve që kanë ikur mes përleshjeve Izrael-Hezbollah “duhet të ndodhë përmes një ndryshimi shumë domethënës”.
Ai tha gjithashtu se ishte mësuar shumë nga lufta e zhvilluar me Hamasin në Gaza.
“Ne kemi shumë mësime nga luftimet në Gaza, shumë prej të cilave janë shumë të rëndësishme për luftimet në Liban dhe ka disa që duhen përshtatur,” tha shefi ushtarak.
