Egnatia nuk ndalet në merkato. Rrogozhinasit kanë firmosur me mbrojtësin 23-vjeçar shqiptar, Rezart Rama.
I lindur në Greqi, Rama është rritur në Akademinë e Olympiacosit, teksa më pas ka luajtur edhe në nivele të ulëta në Angli.
Së fundi Rezart Rama ka qenë pjesë Forge FC në Kanada, teksa tashmë ka firmosur për dy sezone e gjysmë me rrogozhinasit dhe është vënë menjëherë në dispozicion të trajnerit Edlir Tetova.
Egnatia kryeson renditjen në Kategorinë Superiore me 40 pikë në 19 javë, 5 më shumë se Partizani ndjekës, megjithatë kjo nuk e pengoi klubin të shpenzojë për të afruar disa futbollistë në merkaton e janarit.
Më herët rrogozhinasit kanë firmosur me sulmuesin nga Kosta Rika, Jurguens Montenegro, fantazistin turk Ibrahimoglu, mbrojtësin Francois Dulysse, si dhe sulmuesin Mario Gjata.
