Moderatori Drini Zeqo ka vendosur të largohet nga shtëpia e “Big Brother VIP” pas një emergjence familjare.
Vendimi i tij për tu larguar nga reality show ka qenë i menjëhershëm dhe ai nuk ka përshëndetur as banorët e tjerë të BBV që u njoftuan për largimin e tij me anë të një zarfi që mbërriti pak momente më parë në shtëpi.
“Për shkak të një urgjence familjare, Drinit i është dashur të lërë shtëpinë. Ai është mirënjohës për kohën që ka kaluar me të gjithë ju dhe ju uron sukses në rrugëtimin tuaj në vazhdim.”– shkruhej në zarf.
View this post on Instagram
Drini i dha fund rrugëtimit të tij në reality show 4 ditë pas startimit.
Pas hyrjes në BBV, Drini rrëfeu më tepër detaje rreth jetës së tij private dhe humbjes së babait të tij.
“Kam pasur shumë episode, shumë të vështira. Po edhe humbja e babit edhe e jona ishte… u ndamë kështu si të pa folur fare sepse atij i ndodhi kështu një hemorragji cerebrale edhe ndejti vetëm 3 ditë në gjendje kome edhe nuk folëm dot më fare me atë. Ishte pak ndarje e papritur dhe e sforcuar e kupton dhe mbeti çdo gjë në mes e kupton…” – tha Drini Zeqo.
