Pamjet e para te filmit “Back to Black“, biografia mbi kantautoren Amy Winehouse, kanë revoltuar fansat e këngëtares.
Pas më shumë se një dekade që nga vdekja e kantautores së mirënjohur Amy Winehouse, një film biografik që premton të hartojë “udhëtimin e saj intensiv drejt famës” pritet të publikohet.
Traileri i ri për “Back to Black” me ne qender aktoren e njohur Marisa Abela, shaqi imazhin e kengetares me modelin e flokëve të frymëzuar nga vitet 1960, një penel të rëndë, me krahë me tatuazhe. Por reagimet nga fansat e Winehouse nuk ishin aspak positive.
Kritikët theksuan mungesën e autonomisë së Winehouse mbi përfaqësimin e saj në film. Ata akuzuan producentët e filmit për përfitime nga vitet e trazuara të këngëtares dhe pretenduan se biografia vjen shumë shpejt.
Para se të bëhej publik traileri i “Back to Black“, ndjekësit e Winehouse ishin në gatishmëri të lartë ndaj perspektivës se një film për jetën e saj mund të prezantonte elementët më tragjikë dhe të shfrytëzonte historinë e saj.
Gjatë jetës së saj, imazhi i Winehouse–it, konsumimi i drogës dhe alkoolit dhe marrëdhëniet e saj u sulmuan në mënyrë te vazhdueshme nga shtypi, pavarësisht vlerësimeve të shumta si artiste. Në vitin 2009, Winehouse fitoi një urdhër kundër agjencisë paparacësh.
Ajo ishte gjithashtu gruaja e parë që fitoi pesë çmime Grammy dhe vazhdon të jetë një artiste me ndikim të jashtëzakonshëm, duke frymëzuar megayjet e popit.
Vetëm 13 vjet pas vdekjes së saj, mundësia për të parë disa nga momentet më tragjike të Winehouse të nxjerra sërish në ekran, duke përfshirë shfaqjet ku ajo ishte e dehur ose e perzene nga skena, është një pamje e pakëndshme për disa.
