“Nuk dija gjë!”. Kështu ka deklaruar motra e viktmës Erjon Pelivani dhe njëkohësisht bashkëshortja e autorit Fatmir Tarellarit nga krimi tronditës i regjistruar në Volos të Greqisë, duke pretenduar se nuk ka qenë në dijeni të përdhunimit të vajzës së bashkëshortit nga vëllai i saj.
Në një prononcim për median greke “Protothema.gr“, ajo tregon se rasti u zbulua tre ditë më parë, pasi deri atëherë 18-vjeçarja nuk kishte përmendur asgjë për përdhunimet. Në të njëjtën kohë, ajo tha se nuk kishte kuptuar asgjë, pasi vëllai i saj nuk e kishte lënë kurrë që të dyshonte për aktet e rënda.
“Këtë ngjarje e kam mësuar 3-4 ditë më parë. Nuk dija gjë, ai po e mbulonte. As vajza nuk më tha gjë. Burri e mori vesh dhe pasi kreu krimin më mori në telefon dhe më tha; ‘Të vrava vëllanë’”, thotë ajo e tronditur.
Kujtiojmë se 50-vjeçari, Fatmir Talellari vrau kunatin e tij Erjon Pelivani, 33 vjeç, pasi dyshohet se i përdhunonte të bijënë në moshën 9-vjeçare, pra vajzën nga martesa e parë, e bashkëshortit të motrës së tij.
E abuzuar, tashmë është 18-vjeçe, vendosi t’i tregonte të atit, pasi ndodhej nën presion psikologjik, pasi sipas rrëfimit të saj, 3-vjeçari kishte filmuar momentet e abuzimit dhe kërcënonte se do t’i bënte publike.
Fatmir Talellari, i tronditur nga deklaratat e vajzës, organizoi planin për vrasjen e Pelivanit. Pasi bleu armën, 50-vjeçari i kërkoi bashkëshortes së tij t’i kërkonte të vëllait të vinte ta ndihmonte për një punë.
Pasi të dy kunetërit dolën në aksin që lidh Volosin me fabrikën e çimentos, në një shesh të izoluar autori fiku makinën dhe pasi nxorri armën e qëlloi viktimën në fytyrë duke e lënë të vdekur në vend.
Pas krimit, Fatmir Talellari u vetëdorëzua dhe rrëfeu gjithçka në polici. “Jam unë ai që ju telefonova më herët. Kam vrarë një burrë. Kam vrarë njeriun që më helmoi fëmijën tim”, mësohet të ketë thënë ai. Pas rrëfimit të autorit, forcat e policisë greke shkuan në vendin që ai iu tregoi dhe gjetën trupin e viktimës.
Autori do të dërgohet në gjykatë për masë sigurie ndërse gjatë orëve në vazhdim pritet të merret në pyetje edhe viktima tjetër e kësaj tragjedie, vajza 18-vjeçare e autorit e cila pritet të tregojë detaje rrëqethëse të vuajtjeve të saj nga kunati i 50 vjeçarit.
Erjon Pelivani dhe Fatmir Talellari janë nga Poliçani dhe prej vitesh jetonin në shtetin fqinj.
