Aktori Adan Canto humbi jetën pas një beteje me kancerin, në moshën 42 vjeçare.
Canto është i njohur për disa paraqitje në projektet e mëdha si Fox, Hulu dhe Netflix. Aktori u nda nga jeta më 8 janar. Ai ishte i njohur për rolet e tij në serialin ” Designated Survivor “, i cili shfaqet edhe në Netflix. Ai ishte shfaqur edhe në serialin “ Narcos ”, në “ X-Men ”, ndërsa së fundmi ka marrë pjesë në një rol kryesor në serialin “ The Cleaning Lady ” të Fox/Hulu. Atje ai luajti gangsterin Armán Morales, i cili rekruton një nënë në organizatën e tij kriminale si pastruese, sepse ajo ishte dëshmitare e një vrasjeje.
Canto ka lënë pas gruan e tij, shoqen dhe partneren më të mirë Stephanie Ann Canto dhe dy fëmijët e tyre, Roman Alder, 3,5 vjeç dhe Yves Josephine, 1,5 vjeç.
“Cleaning Lady” këtë herë ka filmuar episodet e sezonit 3 me synimin për të dhënë premierë më 5 mars. Megjithatë, zyrtarët nuk kanë dhënë asnjë detaj për të ardhmen e personazhit të Kantos.
Produksioni do ta nderojë atë me një kartolinë nderimi që do të shfaqet në premierë.
