Dinamo ka zyrtarizuar sot afrimin e radhës në merkaton e dimrit me shpresën që “nëndetësja” do të ketë një ecuri ndryshe dhe pozitive në pjesën e dytë të sezonit.
Afrimi i fundit te dinamovitët është vëllai i sulmuesit të Kombëtares shqiptare, Marvin Çuni, që luan te Frozinone në Itali.
Pikërisht bëhet fjalë për Kilian Çuni, por ndryshe nga i vëllai, 24-vjeçari luan si mbrojtës, Ja njoftimi i Dinamos në prezantimin e mbrojtësit 24-vjeçar:
“Kilian Çuni është zyrtarisht lojtari më i ri i FC Dinamo City!
Ditën e sotme, mbrojtësi 24-vjeçar ka firmosur në praninë e drejtorit Fakiç, kontratën që e bën pjesë të 18-herë kampionëve në vijim.
Mbrojtësi shtatlartë vjen në skuadrën tonë pas përvojës me Eintraht Karlsfeld në Gjermani, ndërsa kohëzgjatja kontraktuale është e vlefshme për një afat 1.5 vjeçar me opsion rinovimi.
FC Dinamo i uron punë të mbarë dhe suksese me fanellën tonë.
