Një lokal në Athinë, në pronësi të shtetasit shqiptar, Pëllumb Hasani, është sulmuar me armë mesnatën e kaluar.
Mediat vendase shkruajnë se bëhet fjalë për lokalin ‘Venus’, që ndodhet në rrugën Parashqevopulu, në lagjien Patisia. Ndaj tij është qëlluar disa herë me automatik, janë thyer xhamat e janë dëmtuar muret e ndërtesës, ndërsa ende nuk dihet se kush janë autorët.
Nga hetimet e deritanishme dyshohet se bëhet fjalë për larje hesapesh ose shantazh, pasi vetë pronari i lokalit, ka deklaruar se ka pas konflikt me pronarët e një lokali pranë tij, por deri më tani nuk ka asnjë konfirmin zyrtar nga policia për shkakun e ngjarjes.
Hetimet po kryhen prej drejtorisë së krimeve kundër pronës të policisë së Athinës.
