Rey Manaj është kthyer në hero për Sivasporin në ndeshjen kundër Kajserispor në Superligën Turke.
Sulmuesi shqiptar shndërroi në gol një 11-metërsh në minutën e 93’ dhe pas 5 minutash në shtesë shënoi dhe të dytin personal e të tretin për Sivasporin duke i dhënë tre pikët skuadrës së tij dhe duke e afruar me 5 pikë diferencë me zonën europiane.
Ky është goli numër 7 për Manajn në kampionat dhe i 10-ti në të gjitha kompeticionet duke i dërguar një “SMS” trajnerit të Kombëtares shqiptare, Silvinjo.
