Dy efektivë policie janë pezulluar nga detyra në Mirditë, pasi akuzohen se konsumonin alkool gjatë orarit të punës.
Pezullimi i tyre vjen pas një fotoje të publikuar nga JOQ, ku policët shfaqen duke konsumuar pije alkoolike teksa janë të veshur me uniformë në orar të punës.
Vendimi është marrë nga drejtori i policisë së Lezhës. Sipas njoftimit, ka nisur edhe hetimi disiplinor ndaj 2 punonjësve të policisë, konkretisht nënkomisar P. P. me detyrë specialist në Seksionin për Rendin e Sigurinë dhe inspektor Ll. M. me detyrë nd/specialist SPZ, në Komisariatin e Policisë Mirditë.
