Pak ditë më parë ndërroi jetë në moshë 48-vjeçare Ilda Gjoni, e ëma e aktores Anna Lika dhe motra e Inis dhe Ingrit Gjon, pas një beteje me një sëmundje të pashërueshme.
Së fundmi lidhur me ndarjen nga jeta të saj ka ardhur një reagim dhe nga këngëtarja Çiljeta Xhilagën, e cila ka prekur me fjalët dedikuar mikes së ndjerë. Ajo ka postuar në rrjetet sociale një foto të Ildës duke qeshur ndërsa thotë se duke e njohur ajo nuk do të donte që t’i thoshte fjalë trishtimi. Sipas Çiljetës, Ilda do u thoshte të gjithave që të visheshin bukur dhe të bënin një party me muzikë për të.
“Ne fakt nuk do të doja të postoja kurrë për ikjen tënde në rrjete sociale sepse asgjë e thënë nuk zgjidh dot më asgjë e as të thoja fjalë trishtimi për ty apo të lexoja fjalë ngushëllimi për ty që zemra ime s’do që ti pranoj në realitet sepse duke të njohur ty e di shumë mirë që tani do na thoje të gjithave vishuni bukur dhe bëni një party me muzik për mua. Gjithsesi dikush më herët apo dikush më vonë…. Mirupafshim në jetën e përtejme deri atëher ti vallëzo me engjëjt,Te dua Ilda e të gjithëve”, shkruan Çiljeta.
Ilda Gjoni ndërroi jetë më 26 Dhjetor në Itali dhe trupi i saj është sjellë në Shqipëri, ku do të përcillet sot për në varrezat e Sharrës.
View this post on Instagram
