Lëvizje surprizë në orët e fundit. Trajneri legjendar turk, Fatih Terim, ka marrë drejtimin e skuadrës greke të Panathinaikosit, ku aktivizohet edhe mesfushori shqiptar, Enis Çokaj.
Serbi Ivan Jovanoviç çuditërisht vendosi të largohej nga klubi dhe kështu drejtuesit nuk humbën kohë duke gjetur menjëherë një zëvendësuesin, duke i besuar “timonin” 70-vjeçarit.
I lindur më 4 shtator 1953 në Adana, Terim, pati një karrierë fantastike si trajner, fitoi tetë kampionate dhe një Kupë UEFA me Gallatasarain dhe gjithashtu udhëhoqi kombëtaren turke në gjysmëfinale të Kampionatit Evropian.
Vlen të theksohet fakti se në verën e vitit 2001, turku u transferua te Milani, teksa aventura e tij zgjati disa muaj. Vitet e fundit Terim ka fituar tituj të tjerë me Gallatasarain, të cilin e la në vitin 2022 për herë të katërt.
