Apeli i Gjykatës së Posaçme ka rrëzuar kërkesën e 8 prej anëtarëve të grupit kriminal të përfshirë në trafikun ndërkombëtar të drogës për lirimin e tyre. Kështu, u la në fuqi vendimin e marrë nga shkalla e parë në 8 shkurt për dënimin e të arrestuarve të arrestuar në kuadër të operacionit të koduar “Shpirti” që goditi grupin e përfshirë në trafikun ndërkombëtar të kanabisit.
Ndryshimi i vetëm në vendimin e Apelit është për Ilirjan Duçellarin (Zaimi), kreut të grupit sipas hetimeve. Ky i fundit është dënuar me 12 vite e 8 muaj burg duke i shtuar edhe 1 vite katër muaj burg nga dënimi i mëparshëm.
Për anëtarët e tjerë, Aurel Kalari, Kleo Bregu, Orhan Duçellari, Julian Bejdollari, Rexhino Muça u la në fuqi dënimi përfundimtar me 8 vite e 8 muaj burg. Gjithashtu në fuqi u la edhe vendimi për dënimin me 8 vite burg për Alban Koshin dhe 3 vite e katër muaj burg për Mariglen Duçellarin.
