Teksa na ndajnë shumë pak ditë nga festa e ndërrimit të viteve, shumë qytetarë në Elbasan e konsiderojnë të “paarritshëm” çmimin e gjelit të detit.
Mësohet se aktualisht një kg peshë e gjallë tregtohet 1000-1200 lekë, dhe përballë kësaj panorame, fermerë e blerës janë të paktë në numër.
Edhe fermerët e gjelave ndjehen keq për fuqinë e ulët blerëse në treg, pasi kanë bërë shpenzime të shumta për rritjen e tyre. Në një prononcim për Fax News, ata shprehen se qytetarët vijnë pyesin dhe shumicën e rasteve largohen pa blerë asgjë.
Me shumë mundësi këtë fundviti, gjeli i detit do të mungojë në tryezat festive të shumë familjeve elbasanase. Çmimet e larta, kriza ekonomike dhe të ardhurat e pakta e bëjnë të vështirë blerjen e tij.
Çmimi i gjelit të detit është rritur ndjeshëm në krahasim me një vit më parë, kur blihej 700-800 lekë/kg peshë e gjallë. Nuk janë vetëm pensionistët që e kanë të pamundur blerjen e tij.
