Manchester City do të ketë shansin këtë javë të fitojë trofeun e 5-të të vitit, teksa ka siguruar praninë në finalen e Botërorit të Klubeve.
Anglezët mundën mbrëmjen e sotme me shifrat 3-0 Urawa Reds të Japonisë. Ashtu siç pritej, ndeshja u dominua plotësisht nga skuadra e Pep Guardiolës, e cila krijoi më shumë shanse për shënim dhe kishte kontrollin e sfidës.
Megjithatë, goli i parë do të ishte vetëm një autogol i Hoibraten në minutën e parë shtesë të pjesës së parë.
Urawa Reds-Manchester City | Shiko golat
Në fillimin e të dytës, ishte Kovaçiç ai i cili çoi shifrat në 2-0 me një gjuajtje në kufijtë e zonës, ndërsa në minutën e 59, Bernardo Silva vulosi rezultatin përfundimtar 3-0.
Tashmë, Manchester City pret në finale Fluminensen, takim që do të luhet këtë të premte, në orën 19:00.
