Kur duhen edhe 2 ditë për t’u hapur sipari i natës së parë të Festivalit të 62-të në Radio Televizionin Shqiptar, është zbuluar edhe surpriza e parë e eventit më të rëndësishëm muzikor në vend.
I ftuar special në natën e parë (19 dhjetor), do të jetë këngëtari i njohur italian, Umberto Tozzi. Ai njihet për mbi 80 milionë disqe të shitura në mbarë botën, me hite të papërsëritshme dhe duete magjike.
Këngëtari italian ka përfaqësuar kombin e tij në edicionin e vitit 1987 të Eurovision. Ai performoi “Gente di mare” duke përfunduar i 3-ti me 103 pikë.
Festivali i 62-të në RTSH fillon me 19 dhjetor dhe për katër netë me radhë në skenë do të ngjiten këngëtarë të karrierës që kanë bërë histori me këngët e muzikës së lehtë shqiptare por edhe të rinjtë që kanë zgjedhur të nisin karrierën e tyre artistike në Festivalin e Radio Televizionit Shqiptar.
