Sfida e Premier League, Bornemouth-Luton, është ndërprerë në minutën e 66’, pasi mbrojtësi i miqve, Tom Lockyer është rrëzuar pa ndjenja në fushën e lojës.
Mbrojtësi 29-vjeçar pësoi kolaps papritur në fushë, ndërsa u desh ndërhyrja e menjëhershme e stafeve mjekësore, për të shpëtuar lojtarin.
Kapiteni i Luton doli nga fusha e lojës me barrelë dhe maskë oksigjeni.
Ndërkohë stafi mjekësor, ka konfirmuar se 29-vjeçari ka reaguar dhe është i ndërgjegjshëm, ndërsa është nën vëzhgimin e rreptë të mjekëve.
