Florent Hasani nuk është më lojtari i Tiranës teksa ka firmosur në Rumani për klubin e Rapidit të Bukureshtit.
26-vjeçari ka nënshkruar kontratë 2.5 vjeçare, ndërsa mediat rumune ka zbuluar edhe shifrën që ka shpenzuar klubi për transferimin e kosovarit.
500 mijë euro është shifra e lakuar, por nuk citohet ekzaktësisht nëse këtë shumë e përfiton të gjithën Tirana, apo është kostoja totale e kontratës së lojtarit.
“GSP.ro” raporton si më poshtë”
“Rapid shënoi transfertën e parë të dimrit duke sjellë një sulmues për 500 mijë euro. Të pakënaqur me rezultatet e ekipit në pjesën e parë të sezonit, aksionerët Dan Șucu dhe Viktor Angelesku po planifikojnë investime të rëndësishme këtë dimër. Dhe sulmuesi Florent Hasani (26 vjeç) është lojtari i parë te Rapidi. Rapid ka njoftuar në faqen zyrtare se ka transferuar Florent Hasanin. Ai nënshkroi për dy vjet e gjysmë.”
Hasani ka shënuar 10 gola për Tiranën në këtë sezon, ndërsa në edicionin e shkuar ai ishte golashënuesi më i mirë i Kategorisë Superiore me 16 gola. Një humbje e madhe jo vetëm për Tiranën, por edhe për Superligën shqiptare.
