Në qytetin e Beratit që prej të hënës ka nisur shpërndarja e bonusit të fundviti ku çdo pensionist përfiton 5000 mijë lekë shpërblim, e megjithatë për ta duket ky bonus nuk mjafton.
“Pula e detit është bërë tashti, kaposhi i detit është bërë 10 mijë e ca lekë, s’e merr dot. Mund të marrësh ndonjë kaposh shqerak, s’ia arrin dot, ajo është sa për ashtu si puna e pulës që e thërret, e gënjen me thërrime. Ashtu gënjehemi dhe ne se gënjehemi nga e keqja, kur s’ke”, thotë një pensionist.
“Unë di do shtyhem deri në datën 15 me këtë, po vajta deri në datën 15 mirë, do të takoj prapë e do flasim. Mbase i kthehet mendja qeverisë e thotë t’i shtojmë edhe një 10 tjetër”, shprehet një tjetër.
Në qytetin e Beratit përfitojnë pensionin e pleqërisë afërsisht 9500 individë, gjithashtu për të tretin vit radhazi edhe bonusin e akorduar nga qeveria për festat e fundvitit, i cili sipas tyre nuk është mjaftueshëm për të siguruar blerjen e produkteve për festat e fundvitit.
