ktorja e famshme, Hilary Duff, ka zbuluar një ditë më parë se është në pritje të fëmijës së saj të katërt. Lajmin e bukur e ka bërë të ditur përmes një postimi në profilin e saj në “Instagram”.
Duff ka ndarë me 26.8 milionë ndjekësit një kartolinë Krishtlindje, ku ajo pozon me bashkëshortin, Matthew Koma, dy vajzat e tyre dhe djalin Luca të cilin e ndan me ish-burrin, Mike Comrie.
Hilary Duff u martua me Koma, në vitin 2019, pas një romance që nisi në vitin 2016. Ajo ka qenë e martuar më parë me Mike Comrie, nga 2010-2016.
Ndërkohë kujtojmë se aktores së fundmi iu anulua shfaqja e saj “Hulu” – “How I Met Your Father”, një ‘sit-com’ i “How I Met Your Mother”.
Në fillim të viteve 2000, Duff u bë e famshme si ylli i ‘Lizzie McGuire’, një serial adoleshentësh i “Disney Channel” që ishte një hit i madh për shikuesit në atë kohë. Megjithatë, kjo famë bëri që aktorja të përballej me situata të ndërlikuara që e çuan atë të vuante nga një çrregullim i të ngrënit kur ishte vetëm 17 vjeçe.
Në kulmin e karrierës së saj, Duff ishte e fiksuar pas imazhit të trupit së aktoreve. Të paktën kështu rrëfen ajo në një intervistë për Women’s Health Australia. “Ishte e tmerrshme,”-tha ajo.
Presioni për të ruajtur pamjen që shoqëria donte e komplikoi adoleshencën e saj dhe kjo e bëri atë të ndryshonte dietën e saj dhe të kalonte një periudhë të vështirë. Për të ndihmuar të tjerët që përjetojnë të njëjtën situatë, Duff ndau disa këshilla që funksionuan për të dhe që ajo ende i ruan edhe sot e kësaj dite për të qëndruar në rrugën e duhur me stabilitet dhe qetësi të plotë.
Të kaloj kohë me njerëz që më bëjnë të ndihem mirë dhe që ndajnë pikëpamje të ngjashme për shëndetin dhe pozitivitetin e trupit, duke fjetur mjaftueshëm dhe duke balancuar dietën time.
