Klubi i Tiranës po kalon momentin më të vështirë në vitet e fundit. Situata te bardheblutë është serioze me ekipin që ka shfaqur shumë paqëndrueshmëri në rezultate dhe lojë.
Në ndeshjen e fundit ndaj Laçit, Tirana shpërdoroi një avantazh të dyfishtë, pavarësisht se në pjesë e parë kryesonin me dy gola avantazh, në fund sërish nuk e mbyllin me fitore, kjo ishte ndeshja e radhës që gabojnë në mënyrë flagrante.
Në 16 ndeshje këtë sezon, Tirana ka pësuar plot 23 gola dhe janë ekipi që ka pësuar më shumë, një statistike domethënëse.
Është shumë e vështirë që në këto kushte, një ekip që pëson kaq shumë gola të synojnë për gjëra të mëdha, për fat të mirë këtë sezon formula që aplikohet i jep kohë të ndërhyjnë, të përmirësojnë këtë statistike alarmante.
Ndaj Laçit lajmi pozitiv ishte rikthimi te goli i Kristaj Abazaj, sulmuesi shënoi për herë të parë pas 6 muajsh, goli i tij i parë këtë sezon. Një tjetër lajm pozitiv është forma shumë e mirë e Florent Hasanit, sulmuesi vijon të ketë një marrëdhënie të mirë me golin.
Ky ishte goli i tij i 10-të këtë sezon, golashënuesi më i mirë i kampionatit.
Me 23 pikë në 16 javë, Tirana ndodhet për momentin në vendin e tretë.
