Tirana po vuan dëmtimet e lojtarëve me situatën që duket të jetë përkeqësuar në klubin bardheblu.
I fundit që i shtohet listës së dëmtimeve është Patrick me brazilianin i cili sapo ishte rikthyer në fushën e blertë, pas 8 muajsh mungesë për shkak dëmtimi. Tashmë lojtari ka pësuar sërish një dëmtim dhe rrezikon të mungojë gjatë.
Në ditët në vazhdim pritet që sulmuesi t’iu nënshtrohet vizitave mjekësorë për të mësuar edhe shkallën e dëmtimit, por nga pamja e parë duket se lojtari ka probleme me ligamentin.
Një ndërhyrje kirurgjikale nuk përjashtohet dhe nëse diçka e tillë ndodh, atëherë lojtari mund të rikthehet nga fundi i shkurtit ose fillimi i marsit.
Kujtojmë se Patrick u rikthye në fushë në sfidën me Kukësin, ku bardheblutë triumfuan 3-2 dhe Patrick asistoi në dy raste duke ndihmuar kështu skuadrën e tij të siguronte fitoren.
