Vusal Isgandarli duket se e ka gjetur veten te Egnatia, pasi sulmuesi azer ka nisur të abonohet me golin.
Në Laç, pas shënimit të golit 28-vjeçari festoi duke shfryrë dufin në drejtim të pankinës, padyshim për minutat e pakta që ka pasur në dispozicion në fushë.
Isgandarli ka shënuar edhe sot ndaj Vllaznisë dhe në prononcimin e shkurtër të dhënë për “MCN” pas ndeshjes tregoi se te Egnatia të gjithë janë lider, si dhe luajnë edhe për të ndjerin Rafael Dwamena.
Ai pohoi se për gjestin e festimit të golit në Laç u ka kërkuar falje të gjithëve te klubi rrogozhinas.
“Te Egnatia nuk ka dallime, të gjithë jemi lider në fushë dhe në Rrogozhinë luajmë edhe për Duamenën.”
Çfarë ndodhi me trajnerin në Laç?
“Ishte thjesht një festim i golit. I kërkoj falje gjithë ekipit për gjestin e bërë”, u shpreh sulmuesi azer i Egnatias.
