Një servis makinash në pronësi të një 28-vjeçari është përfshirë nga flakët në Elbasan. Si pasojë e zjarrit, janë djegur pjesërisht 2 automjete që ishin lënë në këtë servis, për t’u riparuar.
“Mëngjesin e sotëm, në fshatin Katund i Ri, dyshohet se për shkak të një defekti në linjën elektrike të objektit, ka rënë zjarr në servisin e automjeteve, në pronësi të shtetasit K. Z., 28 vjeç, banues në Elbasan. Si pasojë, janë djegur pjesërisht 2 automjete që ishin lënë në këtë servis, për t’u riparuar.”- njofton policia.
Grupi hetimor vijon punën për dokumentimin ligjor të shkakut të rënies së zjarrit.
