Policia e Kosovës bën me dije se ka vënë në pranga 2 nga autorët e grabitjes së armatosur në Suharek, gjatë së cilës mbeti i plagosur dhe një efektiv, si pasojë e shkëmbimit të zjarrit.
“Janë arrestuar dy persona. Të njëjtit dyshohet se iu kanë ndihmuar kryerësve të veprës penale. Ata janë arrestuar sot pasdite”, bëri me dije një zyrtare e prokurorisë, e cila nuk dha më shumë detaje, pasi çështja është ende nën hetim.
Të mërkurën në mbrëmje, 4 persona të armatosur dhe maskuar grabitën me dhunë një argjendari në Suharekë, nga e cila morën sende me vlerë që arrinin deri në 250 mijë euro.
Teksa arratiseshin me një makinë grabitësit janë përplasur me policinë, e cila mbërriti menjëherë në vendngjarje, dhe me një breshëri automatiku kallashnikov, plagosën një prej efektivëve.
