Mjegulla e dendur ka përfshirë disa segmente të aksit Korçë-Pogradec mëngjesin e kësaj të premte. Raportohet se më e dendur mjegulla ka qenë në segmentin Lumalas – Grabovicë duke sjellë probleme në qarkullimin e mjeteve. Drejtuesit e mjeteve kanë qenë të detyruar të lëvizin me shpejtësi të ulët edhe për të shmangur aksidentet e mundshme.
Gjatë kësaj periudhe ka patur herë pas here prani të mjegullës jo vetëm në aksin kryesor nacional Kapshticë-Qafë Thanë, por edhe në rrugët e fshatrave turistike të Dardhës e Voskopojës, si dhe në rrugët rurale të fushës së Maliqit dhe asaj të Devollit.
Dita e nesërme sipas sinoptikanëve temperaturat do të shkojnë deri në – 8 gradë celsius, dhe pritet të ketë reshje dëbore në zonat malore.
