Luis Suarez i ka thurur elozhe Darwin Nunez-it duke sugjeruar se ylli i Liverpool do të jetë pasardhësi i tij për kombëtaren e Uruguait.
Sulmuesi 24-vjeçar shënoi një dygolësh në fitoren 3-0 të Uruguait ndaj Bolivisë në kualifikueset e Kupës së Botës CONMEBOL të mërkurën.
Sulmuesi veteran Luis Suarez, i cili zëvendësoi Nunezin në minutën e 73-të të ndeshjes, veçoi asin e Liverpoolit pas ndeshjes dhe e cilësoi atë si një nga numrat 9 më të mirë në botë.
Duke folur për gazetarët pas ndeshjes, ish-ylli i Barcelonës dhe Liverpool tha për Nunez, i cili mund të trashëgojë fanellën e tij nr.9 në të ardhmen:
“Unë kam një nga numrat 9 më të mirë në botë përpara meje. Ne duhet ta mbështesim dhe ta shijojmë atë. Sot jam në një rol tjetër dhe jam i lumtur që jam këtu duke ndihmuar grupin”.
Ish-ylli i Benfica-s, Nunez u transferua te Të Kuqtë në vitin 2022 dhe në sezonin e tij të parë ai luajti në 42 ndeshje në të gjitha garat, duke shënuar 15 gola.
Ai ka të ngjarë ta përmirësojë atë total në sezonin 2023-24, pasi ai tashmë ka shënuar shtatë gola në 17 ndeshje, ndërsa ka dhënë edhe gjashtë asiste.
Tifozët e Liverpool-it tani do të shpresojnë që Nunez ta vazhdojë formën e mirë kundër Manchester Cityt të shtunën në atë që premton të jetë një përplasje magjepsëse në krye të renditjes.
