“Presidenti rus Vladimir Putin duhet të jetë ai që do të bëjë hapin e parë drejt paqes në Ukrainë”.
Një deklaratë e tillë u bë nga kancelari gjerman Olaf Scholz, në një komunikim me gazetarët gjatë së shtunës, ku kërkoi që Putin të tërheqë trupat.
“Ai duhet të tërheqë trupat”, tha Scholz gjatë një vizite në Nuthetal në shtetin e Brandenburgut.
Megjithatë, aktualisht nuk ka shenja se kjo ndodh, tha ai në përgjigje të një pyetjeje nëse negociatat e paqes janë të mundshme.
Putin nuk duhet të ketë sukses në qëllimin e tij për të përdorur forcën për të aneksuar pjesë të një vendi fqinj.
Kancelari gjerman siguroi edhe një herë Ukrainën për ndihmën e Gjermanisë në mbrojtjen e saj kundër pushtimit rus për aq kohë sa të jetë e nevojshme.
