Komisioni Disiplinor i UEFA-s ka pranuar pjesërisht ankesën e Federatës së Futbollit të Serbisë për dënimin me një ndeshje pa praninë e tifozëve.
Në ndeshjen e fundit kualifikuese, Serbia do të takohet me Bullgarinë më 19 nëntor në Leskovc në stadiumin e Duboçicës dhe kjo ndeshje do të jetë vendimtare për kualifikimin në Euro 2024.
Në tabelën e grupit G të kualifikimit për Euro 2024, Serbia është në vendin e dytë me 13 pikë, ndërsa Mali i Zi i treti ka tetë pikë dhe një ndeshje më pak.
Duke qenë se pritet që malazezët t’i mposhtin lituanezët dhe t’i afrohen Serbisë dy pikë para xhiros së fundit, është e qartë se dueli në Leskovc do të jetë vendimtar për Serbinë për kualifikimin në Kampionatin Evropian.
Dy javë më parë, UEFA e gjobiti Serbinë për problemet e shkaktuara nga tifozët dhe një sërë dështimesh organizative në ndeshjen kundër Malit të Zi, duke luajtur një ndeshje në shtëpi me stadiumin bosh, dhe me gjobë prej 89.500 euro.
Mirëpo, pas ankesës së Federatë Serbe të Futbollit, UEFA ka zbutur dënimin.
Me vendimin e ri, tribuna perëndimore e stadiumit të Duboçicës do të jetë e hapur për ndeshjen ndërmjet Serbisë dhe Bullgarisë, ndërsa vetëm fëmijët nën 14 vjeç do të lejohen të hyjnë në tre tribunat e tjera.
Gjithashtu, gjoba është ulur në 50 mijë euro.
