Detaje të reja kanë dalë pas identifikimit të viktimës, trupi i të cilit u gjet i groposur dhe i dekompozuar në fshatin Xarrë të Bashkisë Konispol në Sarandë.
Mësohet se sipas Prokurorisë, copëtimi i trupit të viktimës, ku koka u gjet mënjanë trupit, të jetë shkaktuar nga kafshët e egra.
53 vjeçari nga Elbasani punonte si çoban në Xarrë. Adnant Jaupi kishte rreth 2-3 muaj që ishte zhdukur.
Nga hetimi nuk u konstatuan shenja goditjeje me mjete të forta apo plumbi ku për pasojë t’i kishte ardhur vdekja. Vendi ku u gjet trupi i tij, fillimisht koka dhe pastaj trupi i dekompozuar por i pa groposur u gjet i fshehur në një tunel me gjerësi rreth 1 m dhe gjatësi 3-4m. Madje tek vendi ku u gjet kufoma kishte ende erë të rëndë dekompozimi.
