Nxënësit e shkollës 9-vjeçare “Don Bosko” në kryeqytet shprehën këtë të mërkurë apelin pro paqes dhe kundër luftës.
Në një manifestim të zhvilluar më herët gjatë ditës, vogëlushët marshuan për në sheshin “Skënderbej” në qendër të kryeqytetit.
Aty, por edhe përgjatë marshit, dhanë mesazhin e tyre me thirrje dhe pankarta për paqe dhe jo luftë.
Aktiviteti i nxënësve vjen në një moment kur qindra mijëra viktima, mes tyre edhe shumë civilë, raportohen nga dy luftërat që janë në zhvillim: ajo Rusi – Ukrainë e nisur në Shkurt 2022 me inkursionin rus dhe Izrael – Hamas, e iniciuar me një sulm të grupit të cilësuar terrorist me bazë në Gaza dhe pasuar me një përgjigje të dhunshme nga forcat izraelite.
