Vdekja e Rafael Dwamenës është ndier në Zaragozë po aq shumë sa edhe në Rrogozhinë. Kjo për vetë të kaluarën e ish-sulmuesit (28 vjeç) në kampionatin spanjoll me Zaragozën, ku ai militoi në vitin 2019.
Mesazhet nga qyteti spanjoll kanë qenë të shumta nga miq të Rafaelit.
Ndërkohë që për ndarjen tragjike nga jeta e tij kanë reaguar dhe tifozët e Realit. Në forume të ndryshme të tifozëve të Zaragoza është hedhur ideja që Dwamena të nderohet në një nga ndeshjet e ardhshme të ekipit.
Propozimi i tifozëve është që në minutën e 11-të (numri që Dwamena mbante në këtë ekip) të duartrokitet një minutë, propozim që do t’i bëhet klubit.
