Të sëmurët dhe të plagosurit nga Gaza që kanë nevojë për trajtim mjekësor do të transferohen në Turqi, tha ministri turk i Shëndetësisë Fahrettin Koca. Turqia është e gatshme të krijojë spitale në terren për të trajtuar të plagosurit.
Ministri turk foli këtë të dielë me homologun e tij egjiptian, Khaled Abdel Ghafar, nga i cili siguroi lejen për t’u ankoruar në portet egjiptiane për dy anije turke që prisnin në ujërat turke për të transportuar spitalet në terren dhe ambulancat.
“Ne po vazhdojmë përpjekjet tona për të transferuar rreth 1000 pacientë dhe të plagosur që kanë nevojë për trajtim urgjent, veçanërisht pacientë me kancer që po trajtohen në “Spitalin e Miqësisë Turqi-Palestinë” në Gaza, në Egjipt përmes portës kufitare Rafah”, tha ai.
Më pas, siç theksoi ministri turk i Shëndetësisë, është planifikuar transportimi i pacientëve me kancer dhe urgjencave në vendin tonë me ambulanca fluturuese dhe një spital lundrues. Deri më tani, mundësia e transportit të të plagosurve nga Gaza është pikëkalimi i Rafah, por sulmi i izraelit i ditës së premte mbi një autokolonë me ambulanca që shkonin drejt Egjiptit e ka bllokuar situatën.
