Policia kufitare në pikën doganore të Kapshticës kanë arrestuar një grua të shpallur në kërkim, pasi është dënuar për shfrytëzim për prostitucion, në rrethana rënduese.
Në pranga është vënë shtetasja Fëllëzë Saliaj, 55 vjeçe, banuese në Patos. Ajo është ndaluar, teksa po tentonte të hynte në Shqipëri.
“Gjykata e Apelit e Vlorës ka lënë në fuqi vendimin e Gjykatës së Fierit për dënimin e kësaj shtetaseje, me 7 vjet burgim, për veprën penale “Shfrytëzimi për prostitucion”, në rrethana rënduese. Në vitin 2005, shtetasja Fëllëzë Saliaj ka shfrytëzuar për prostitucion, një shtetase tjetër.” – thuhet në njoftimin e Policisë së Korçës
Veprimet e mëtejshme procedurale u kryen nga Drejtoria Vendore e Policisë Fier.
