Një shpërthim është shënuar këtë të shtunë në një pikë karburanti në Tiranë gjatë kohës që ka qenë duke u funizuar një karburant me benzinë, nga një autobot.
Ngjarja ka ndodhur në rrugën Bardhyl dhe bëhet fjalë për dy të lënduar nga shpërthimi, shoferi i autobotit dhe menaxheri i karburantit.
“Më datë 04.11.2023, rreth orës 13:30, në Rrugën Bardhyl, gjatë kohës që ka qenë duke u funizuar një karburant me benzinë, nga një autobot, ka ndodhur një shpërthim.
Si pasojë është dëmtuar shtetasi M. Ç., (menaxher) dhe shtetasi M. K. (shoferi i autobotit), të cilët janë transportuar në spital dhe ndodhen nën kujdesin e mjekëve. “- njofton policia.
Grupi hetimor po punon për sqarimin e rrethanave të ngjarjes.
