Shqiptari i Kosovës, Florent Muslija po kalon një formë të jashtëzakonshme me skuadrën e Paderborn.
25-vjeçari është shndërruar në një lider te skuadra që militon në Bundesligën 2, teksa mbrëmjen e sotme, nxori nga repertori i tij një tjetër perlë.
Në minutën e 33-të, me një gjuajtje mjeshtërore nga goditja e dënimit, në duelin e Kupës së Gjermanisë ndaj Freiburg, Muslija shtangu portierin kundërshtar duke e lënë të palëvizur, teksa çoi shifrat në 0-2.
Muslija më herët, në minutën e 4-t, asistoi për Bilbijan që shënoi golin e parë.
Në këtë sfidë Paderborni arriti të triumfonte me rezultatin 1-3 ndaj Freiburg që militon në Bundesligë, duke e eliminuar kështu skuadrën e elitës gjermane.
Ky ishte goli i tretë radhazi për Muslijan që u zgjodh dhe lojtari i ndeshjes.
