Policia Rrugore e Tiranës ka arrestuar një të ri, pasi ka përplasur me makinë një person në rrugën “Xhanfize Keko” në kryeqytet.
Në pranga është vënë shtetasi E. K., 21 vjeç, banues në Tiranë, i cili duke drejtuar automjetin, ka aksidentuar shtetasin R. M., 28 vjeç, i cili si pasojë është dëmtuar dhe ndodhet jashtë rrezikut për jetën.
Policia njofton se pas verifikimeve të kryera në sistem ka rezultuar se shtetasi E. K. ishte person i shpallur në kërkim pasi ndaj tij ka dy urdhër arreste për veprën penale “Drejtimi i automjeteve në mënyrë të parregullt”.
Materialet procedurale i kaluan Prokurorisë së Tiranës për veprime të mëtejshme.
