Rei Manaj u shndërrua në heroin e Sivasporit në duelin e sotëm ndaj Antaljaspor, që përfundoi me rezultatin 1-2 në favor të skuadrës së sulmuesit shqiptar. Futbollisti lushnjar u aktivizua në 79-të, teksa skuadra e Sivaspor, po humbiste me shifrat 1-0. Me futjen e Manajt erdhi dhe përmbysja e madhe.
Fillimisht Kvet vendosi baraspeshën në minutën 90+3, ndërkohë që në aksionin e fundit të ndeshjes, më saktësisht në minutën 90+7, Rei tentoi një predhë e cila përfundoi saktësisht në cepin e rrjetës.
Menjëherë nisi edhe festa e madhe me lojtarin e Shqipërisë që i dhuroi tre pikët Sivaspor.
https://twitter.com/i/status/1718291633689522213
Ky ishte goli i dytë për Manajn, me fanellën e ekipit të Sivaspor, në elitën e futbollit turk.
